Академија за усогласеност со прописи

Биографија Јован Андоновски, роден 1980 година во Скопје, Република Македонија. Дипломирал правни науки на Правниот факултет „Јустинијан Први“ во Скопје; Во 2001 г. - специјализирал меѓународно право на „Јагиелонскиот Универзитет“ во Краков, Република Полска, магистрирал на Правниот факултет „Јустинијан Први“ во Скопје 2010г. каде и докторирал на Катедрата по Римско право во 2015 г. Исто така, специјализирал на „Правна усогласеност“ (Regulatory Compliance) на Penn University во САД, во 2023 година. Од 1999 до 2002 г. работел во Собранието на Република Македонија на Проект на Националниот Демократски Институт. 2003 - 2006 г. работел како адвокатски приправник, а истата година бил назначен за заменик-директор на Централниот регистар на Република Македонија. Од 2007 до 2009 година работел во Министерството за надворешни работи како раководител на одделние и бил прв Секретар во Амбасадата на РМ во Виена, Австрија. Од 2009 до 2014 година бил државен секретар во Секретаријатот за европски прашања, каде исто така работел и како Државен советник. 2015 година е избран за насловен Доцент на Правниот факултет при Универзитетот „Гоце Делчев“ во Штип, а во 2020 година за насловен Вонреден професор. Од октомври 2016 година ја извршува должноста заменик Народен правобранител се до октомври 2024 година. Бил стипендист на фондациите „Кралица Јадвига„ од Полска и фондацијата „Конрад Аденауер“ од СР Германија. Говори англиски, германски и полски јазик. Автор е на бројни стручни и научни публикации и дела од областа на правото во државата и странство.

Биографија Ирена Бачановиќ Каракашев, е професионалец, дипломиран правник, со двојна магистерска диплома - магистер по бизнис и администрација од Економскиот факултет, Универзитет „Св. Кирил и Методија" Македонија, и магистер во областа на правото и економијата на престижната магистерска програма ЕРАЗМУС (Универзитетот во Хамбург, Универзитетот во Болоња и Универзитетот Пол Сезан, Марсеј III). Со повеќе од петнаесет години искуство во банкарството во делот на функцијата за управување со усогласеноста (compliance function), таа е меѓународно сертифициран експерт за усогласеност специјализиран за регулаторна усогласеност, дигитализација, ESG и зелени иницијативи за одржливост, корпоративно управување, етика и интегритет, како и заштита на правата на потрошувачите и човекови права. Нејзината експертиза како обучувач опфаќа теми од областа на регулаторната усогласеност, заштита на личните податоци, етика, интегритет и корпоративно управување, едуцирајќи ги учесниците со основни и напредни вештини за делување на сложени регулаторни пазари и во различни индустрии. Во улога на претставник на финансиска институција, Ирена е поранешен член на стручни тела (Правна комисија, АМЛ и Compliance комисија и Комисија за информативна сигурност и заштита на личните податоци) во рамки на Македонската банкарска асоцијација (поранешно Здружение на банкарство во рамки на Стопанската комора на Македонија) и активен промотор на функцијата за усогласеност како значајна контролна функција во доброто корпоративно управување. Обучувач за ISO стандарди за управување со усогласеност, антикорупција и поткуп, како и правни аспекти во поглед на безбедноста на информациите и заштитата на личните податоци. Активен член на Техничкиот комитет 9 за управување со квалитет, животна средина и ризици како дел од Институтот за сертификација на Македонија (набљудувач во меѓународното тело за изготвување на ISO стандарди во оваа област). Експертиза во управување со проекти финансирани од меѓународни организации.